Сяргей Высоцкi: З адносін РФ і Беларусі ўжо даўно пара выкінуць тэрмін «інтэграцыя» як такi (інтэрв'ю)


Рэдакцыя "Палiтрынга" вырашыла запусціць вясновае апытанне экспертаў, палітыкаў, грамадскіх дзеячаў, журналістаў, палітолагаў, якое будзе прысвечана ўплыву эпідэміі каранавiруса на сусветную супольнасць і нашу краіну.

Жыццё сусветнай супольнасці пасля каронавіруса – якiм яно будзе, і якое месца ў iм зойме Беларусь? Ці памяняе наша краіна знешнепалітычны вектар, ці ўсвядомiць неабходнасць паскарэння інтэграцыйных працэсаў, або ж пойдзе іншым шляхам - на збліжэнне з Захадам?

Сваім меркаваннем па агучаных пытаннях дзеліцца старшыня Беларускай партыі Свабода-Самаабарона Сяргей Высоцкi.

- Як зменіцца свет пасля пандэміі коронавируса? Якое месца ў ім зойме Беларусь?

- Каранавірус паскарае эканамічны заняпад, і гэта пагроза працяглай рэцэсіі,якая  разам з вірусам ужо адкінула сусьветную эканоміку на парадак назад. Разарваныя сувязі, развальваюцца бізнэсы, нават буйныя кампаніі не вытрымліваюць.

Выжыве і адносна выйграе той, хто прыймаў найбольш адэкватныя меры ў часе сур’ёзных выпрабаваньняў. Гэта не значыць, што такія краіны не пацерпяць, але ў іх можа быць спад эканомікі там 10%, а ў тых, хто неадэкватна дзейнічаў – 30%, ці 40%, і Беларусь, якая ў такой сітуацыі дзейнічае больш-менш адэкватна, можа выйграць.

Але найбольш можа вырасьці міжнародны аўтарытэт Беларускай дзяржавы, аўтарытэт нашага народу, які ў цяжкія часы не енчыць, а аб’ядноўваецца, ды працуе і змагаецца з бядой…І тут не да разборак з рэжымам, стаіць пытаньне будучыні нашай Дзяржавы ды яе грамадзянаў…

І менавіта гэта, як мне падаецца, бесіць тых, хто гнюсна сьпекулюе на бядзе, раздзьмухае паніку, каб дамагчыся паразы Беларусі, каб нацыя апусцілася на калені…

- Крызісныя абставіны апошняга часу паказваюць відавочныя высновы: розныя тактычныя рознагалоссі паміж РФ і Беларуссю-гэта нішто ў параўнанні з глабальнымі выклікамі. Ці прывядзе гэтая сітуацыя да паскарэнню інтэграцыйных працэсаў?

-Кажучы пра адносіны Беларусі ды Расеі пара ўжо выкінуць з лексікону тэрмін “інтэграцыя” як такі.

Мы ўжо “інтэграваныя” да абсурду…Ідзе палітычны ды эканамічны шантаж, з пагрозай аншлюсу.

Глядзіце на якім фоне адбываецца гэтая эпідэмія – працяг інфармацыйнай вайны расейскіх СМІ супраць Беларусі. Не вам мне распавядаць, досыць адкрыць ледзь не кожны  расейскі тэлеграм- канал, і там мінімум пра сітуацыю ў самой Расеі, якую бяда накрыла куды страшней. Няма абмеркаваньня праблемаў развалу расейскай эканомікі, павялічэньне захварэўшых ва ўсіх рэгіёнах РФ, праблемы парушэньня правоў чалавека. Не – канцэнтрацыя на сітуацыі ў Беларусі, прадузятая падача становішча ў Беларусі, смакаваньне бяды, ледзь не па кожнаму выпадку хворага ў нас…Нібыта ў самой Расеі няма аніякіх праблем…

Тая ж гісторыя з гэтым памерлым расейскім хлопцам у Віцебску ды патрабаваньне пакараць Беларусь…Аднак я заўважыў, што расіяне тут перажываюць вірус, а вяртацца ў “карантынную” Расею не жадаюць…

Гэта рэальная адзнака сітуацыі, у Крамля выклікала шаленства ўпартасьць Беларусі ў абароне дзяржаўнай незалежнасьці. Праз гэтую прызму – пагрозы з боку расейскага імперыялізму, трэба ацэньваць нашую ўнутраную сітуацыю і тое, што накручваецца вакол Беларусі…

Сітуацыя вельмі трывожная, і нацыі зараз патрэбная еднасьць у процістаяньні знешняй пагрозе, як ніколі з часу абвешчаньня незалежнасьці. Хутка Масква перажыве шок пасьля гэтага вірусу, і і працягне атаку на Беларусь. Шмат залежыць ад таго, наколькі моцны будзе ўдар па Расеі ад крызісу, і з якімі стратамі ў эканоміцы выйдзе Беларусь…

Таму палітыкі і дзеячы найперш ліберальнага лагеру, якія адмыслова сеюць істэрыю, па сутнасьці дапамагаюць Крамлю, праз ідэю радыкальнага карантыну, закрыцьця прадпрыемстваў, прагнуць разваліць дзяржаву, і зрабіць прыход Расеі вельмі лёгкім. Меры процідзеяньня вірусу – так, паніку – нафіг..  

- Якая верагоднасць таго, што розьніца ў падыходах Расеі і Беларусі да барацьбы з каронавірусам "разгорне" Менск у бок Захаду?

- У гэтым вірусе як бачым увогуле кожны сам за сябе…

Расея цікава прапагандысцкі выкарыстоўвае гэтую сітуацыю. Саюзніка яны паўгода мучылі нафтавым шантажом, а дапамагаюць Італіі ды ЗША. Нічога сабе саюзнічак…ЗША прыслалі нам сымбалічную падтрымку, Кітай, ідуць перамовы ў Еўразвязам. Гэта правільна. Пагана іншае, быў змарнаваны час для дыверсіфікацыі стасункаў. Зараз гэта рабіць цяжэй, хаця б таму што ва Ўкраіне прыйшла прарасейская ўлада, праблемы ў саміх заходніх дзяржаў.

Маё бачаньне – кіраўніцтва дзяржавы недастакова актыўнае датычна стасункаў з ЗША. Прыезд Майка Пампеа адкрыў перад дзяржавай такія магчымасьці, якіх ніколі не было раней. І трэба гэты прарыў нарошчваць. Маю свае кантакты ў амерыканскім палітыкуме – ЗША чакаюць адказаў ад Беларусі…Амерыканцы паабяцалі падтрымку ва ўсіх сферах, то варта адкінуць усе саўковыя стэрэатыпы ды працягваць гэты вектар. Не варта рваць эканамічныя стасункі з Расеяй, але палітычнае ды эканамічнае супрацоўніцтва з ЗША трэба нарошчваць тут і цяпер!  Пытаньне да палітычнай волі кіраўніцтва Беларусі…

Нельга далей губляць часу. Перадышка, звязаная з праблемай унутры самой імпрыі, будзе нядоўгай. Трэба ўзмацяняць дыпламатыю з Еўрапай і Штатамі, іншымі дзяржавамі. МЗС павінен працаваць як Міністэрства аховы здароў’я, у рэжыме поўнай мабілізацыі.

Таксама чаму б зараз беларускаму ўраду не санкцыянаваць перамовы з патрыятычнымі сіламі, з годнымі ды самастойнымі дзеячамі (не з марыянеткамі ды панікёрамі),  з прадстаўнікамі нацыянальнай эліты, зарэгістраваць нацыянальна-дэмакратычныя арганізацыі, даць пазіцыі на тэлебачаньні…Чаму б не адкрыць шляхі для поўнага спыненьня праяў этнацыду, адкрыць усе шляхі для беларускай культуры…У гэтым выйсьце… Зараз выдатны час каб развярнуцца да свайго народу ў поўнай меры, тут галоўныя рэзервы і тут сіла, якая здатныя спыніць любога агрэсара ды імперста…

- Якія наступствы для Беларусі могуць рушыць услед за пераарыентацыяй нашай краіны на захад?

- Разам з тым гэты крызіс дазволіў вельмі сур’ёзна зрушыць сітуацыю.

Беларусь зараз незалежная як ніколі за апошнія гады. Ужо мала хто балбоча пра “саюзнае гасударства”, з расейскага боку беларускую мяжу ахоўваюць казачкі (узнікла сапраўдная мяжа),  беларусы адзіныя хто гуляе ў футбол – і  аніводны заўзятар на футболе не захварэў, а фан-клубы беларускіх клубаў ад Аўстраліі да ЗША. Учорашні рэпартаж на Еўраньюс кажа, што дзяржава ўжо набыла аўтарытэт. Наш падыход разам са Швецыяй, Паўднёвай Карэяй ды Японіяй апынуўся адэкватным.

Вось у Швецыі з пачатку эпідэміі памерла 96, а ў Гішпаніі, якая ўвяла радыкальны карантын – памерла больш 15500 чалавек. І вось тыя, хто прагне татальнага каранавірусу хочуць каб і ў нас памерла ў сто разоў больш людзей? Ці яны хочуць эканамічнага банкруцтва дзяржавы?

Але спазняцца ў мерах бясьпекі нельга, як бы не было цяжка (тэсцірваньне, маскі ў публічных месцах, умацаваньне пазіцыяў медыкаў).  

Сёньня мы мусім узгадаць, што мы беларусы (літвіны) – прадстаўнікі вялікага еўрапейскага народу, які заўжды трымаў удар, і гэты крызіс перажывем, калі будзе еднасьць…

- У выпадку абвастрэння сітуацыі з каранавірусам, у каго Беларусь у першую чаргу будзе прасіць дапамогі?

- Датычна магчымага абвастрэньня -прыйдзецца далей ужэстачаць меры. Але і зараз гэта робіцца, бяз лішняга гвалту. Мяркую, улады будуць найперш абапірацца на ўтутраныя магчымасьці...А ў каго будуць прасіць - дык ужо зараз ідуць перамовы з Еўразвязам, Кітай перасылаў, ЗША. Еўразвяз сам прапануе падтрымку...Вось такія вектары і бачныя. Мне хочацца спадзявацца, што вытрымаем сваімі ўласнымі магчымасьцямі.

2430 просмотров
Публикации в рубрике «Статьи, мнения» являются видом материала, который отражает исключительно точку зрения автора. Точка зрения редакции «Политринга» может не совпадать с точкой зрения автора. Редакция «Политринга» не несет ответственности за достоверность и толкование приведенной информации и выполняет исключительно роль носителя.
 

Опрос

Одобряете ли вы спецоперацию России на Украине?

 
 

ПОСЛЕДНИЕ НОВОСТИ

ТОП-10 ПУБЛИКАЦИЙ

Курсы валют НБРБ

10 Бразильских реалов 6,5093
10 Датских крон 4,6958
1 Кувейтский динар 10,5616
10 Дирхамов ОАЭ 8,8495
1 Доллар США 3,2498

О сайте

«Политринг» - дискуссионная площадка, целью которой является налаживание диалога между различными политическими, общественными, социальными группами Республики Беларусь. Мы не приемлем экстремизма, радикализма, нарушения законов нашего государства. Но мы чётко уверены: лишь с помощью диалога Беларусь может стать современным демократическим государством.
Связь с редакцией, реклама - [email protected] / +375 (4453) 15-3-52

ЧПУ «Согласие-медиа» УНН 193000461